ازيك ي صديقي ❤️✌️ صلِّ على حبيبك النبي محمد صلى عليه وسلم انت ك مصمم او مبرمج عامل شغل لازم تبص علي شغلك ده بيعرض ايه ، بيحتوي علي اي ؟! في نيتك انه يكون بيعرض شغلك ، مهاراتك الابداعيه ، ترويج لشغلك .. بس للاسف شغلك ده ممكن يكون بيحتوي علي تصميم لبراند من ضمن المقاطعه مثلا ، صور عا.رية ، موسيقي . من حق اي شخص ساعتها ينصحك ويقولك يصديقي البوست فيه حاجه من اللي فاتوا ، ووقتها ردك هو اللي ممكن يحول النقاش الي مشاجرة ، بس اقولك نصيحه انت اتقي الشبهات لو شايف انه عادي والافضل تبعد عن الكلام ده كله علشان فعلا حرام الموضوع مش سهل صدقني اول موضوع هو المقاطعه ،بص وشوف اخواتك عاملين ازاي بقالهم ١١ شهر بالظبط عارف يعني اي ؟ وجايبلك شاهد من القران ممكن اكون مصيب فيه وممكن اكون مخطئ في سورة يونس لما كان سيدنا موسي بيكلم ربه بسم الله الرحمن الرحيم "وَقَالَ مُوسَىٰ رَبَّنَا إِنَّكَ آتَيْتَ فِرْعَوْنَ وَمَلَأَهُ زِينَةً وَأَمْوَالًا فِي الْحَيَاةِ الدُّنْيَا رَبَّنَا لِيُضِلُّوا عَن سَبِيلِكَ ۖ رَبَّنَا اطْمِسْ عَلَىٰ أَمْوَالِهِمْ وَاشْدُدْ عَلَىٰ قُلُوبِهِمْ فَلَا يُؤْمِنُوا حَتَّىٰ يَرَوُا الْعَذَابَ الْأَلِيمَ" بيقوله انك يارب اديتهم كل حاجه وهم لم يشكروا ، ف اطمس علي اموالهم " ويأكن الفساد الاول هو الفساد الاقتصادي". وهذا شاهد فقط . والتاني هو الاغاني انك تشيل ذنب كل واحد بيشوف مشروعك اللي منزله ب اغاني والثالث هو الصور البنات العا.رية وده برضو ذنب كل شخص هيشوفه هيبقي في حقك . الدليل من القرآن انه هيشيل ذنب كل شخص بسم الله الرحمن الرحيم "لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ وَمِنْ أَوْزَارِ الَّذِينَ يُضِلُّونَهُمْ بِغَيْرِ عِلْمٍ أَلا سَاءَ مَا يَزِرُونَ" واخيرا متزعلش من اي حد هينتقدك في المواضيع دي لانه خايف عليك ، ولو رديت ب " بعيدا عن الدين زي ناس تستاهل بلوك👀✌️ يحبايب الدنيا مبقتش مستاهله ان اشيل ذنب غيري كمان ، استقيموا يرحمكم الله ❤️

#سلسله_اقرا_تستفيد إن شاء الله تعالي فكرنا فكره تخللي الناس تقرأ كتب قيمه بطريقه مبسطه وتم تسميتها سلسله اقرا تستفيد ولو في اي كتاب حد يرشحه ممكن نتكلم عنه بطريقه سهله وفي نقاط محدده نبدا علي بركه الله ✍️ ملخص كتاب "فن التعامل مع الناس" للكاتب ديل كارنيجي أنا هلخصه لك بطريقه مبسطه جدا وبلغه عاميه يفهمها كل الناس **الكتاب ده هيخليك تعرف👌 * ازاي تتواصل مع الناس بشكل فعال وإيجابي. * ازاي تكسب محبة واحترام الناس من حولك. * ازاي تخلي الناس يحبونك على طول. * ازاي تجذب الناس لطريقة تفكيرك. * ازاي تغير سلوكيات الناس للأفضل. *نصائح مهمة حاول تطبقها *متتسرعش بالحكم على الناس: الناس مختلفين ولهم طباع مختلفة، حاول تفهمهم بدل ما تحكم عليهم بسرعة. *خلي الناس تحس بأهميتها: كل إنسان عنده حاجة للتقدير والاحترام، عشان كده حاول تشكرهم وتهنئهم وتدلعهم. *تحدث عن اهتمامات الناس: عشان تقدر تجذبهم للمحادثة، حاول تفهم اهتماماتهم وتكلم عنها. *ساعد الناس: مساعدة الناس هي أقصر طريق لكسب محبتهم وصداقتهم. *اهتم بالناس: الناس بيحبوا اللي يهتموا بيهم، عشان كده خليهم يحسوا باهتمامك وحبك لهم. * احترم آراء الناس: حتى لو مش متفق معهم، متقولهمش إنهم غلطانين. حاول تفهم وجهة نظرهم واحترمها. * استخدم اللطف واللين: العنف بيولد العنف، حاول تكون لطيف ولين مع الناس عشان تكسبهم. * استخدم الطريقة السقراطية: خلي الناس يحسوا إنهم هم اللي بيطلعوا بالأفكار، علشان تقدر تغير سلوكيات الناس وعلشان كده ابدأ كلامك بذكر الأمور الإيجابية والنقاط المشتركة بينك وبينهم. * ناشد الدوافع النبيلة للناس: عشان تقدر تغير سلوكيات الناس للأفضل، حاول تناشد دوافعهم النبيلة و مشاعرهم الطيبة. *ده ملخص مختصر للكتاب، فيه كتير من النصائح والإستراتيجيات المفيدة اللي هتساعدك تتعامل مع الناس بشكل أفضل. **رأي شخصي لو ركزت في الكلام هتلاقي القرآن الكريم وسنه سيدنا محمد عليه الصلاه والسلام مكتوب فيها هذه الأفكار وافضل بالتفصيل بس احنا بنحب ننبهر بالغرب **نصائح إضافية حاول تطبقها * ابتسم: الابتسامة لغة عالمية يفهمها كل الناس، هتساعدك تخلق انطباع إيجابي عند الناس وتكسب ثقتهم. * اصغي باهتمام: لما حد يتكلم معاك، حاول تركز في كلامه وتفهمه كويس. *كن إيجابيًا: حاول تفكر في الجوانب الإيجابية في كل موقف، وكن متفائلًا. *كن صادقًا: الناس بتقدر الصدق والوضوح. * كن نفسك: متحاولش تكون حد تاني، الناس هتحبك على مين أنت. *مع اتباع هذه النصائح، هتقدر تطور مهاراتك في التعامل مع الناس وتبني علاقات قوية وناجحة. **ملحوظه هامه جدا اللي مهتم بالبزنس ورياده الاعمال هاديكم طريقه نطبق وننفذ هذه النصائح بالكتاب بأسلوب جديد يكتب تم دمتم في خير وصحه وسعاده🙏

فُقراء إِفريقيا اعتادوا أَن يأتى إليهم مُبشرين بالنّصرانية يَعطون لهم مالاً وطعاماً ويبنون لَهم المستشفيات والمدارس فى مقابل أنهم يدخلون فى الدين النصرانى وهُنا فى مشهدٍ من أروعِ المشاهد التى يهتزّ لها القلب مجموعة من مُسلِمى إفريقيا يدخل عليهم رجل أبيض البشرة ( وهم اعتادوا أن أصحاب البشرة البيضاء الذين يأتون إليهم مبشرين ويأتون لكى يغرونهم ليحوّلوا ديانتهم إلى النصرانية ) فكان رد فعلهم أنّ أحداً منهم بدأ يقرأ قرآن بصوتٍ عالى ليُثبّت نفسه ويُثبّت من حولَه بالإسلام وانظر إلى روعة اختياره للآيات التى قرأها ، وبعدما ينتهى من القراءة يكتشفون أن الأبيض هذا مسلم فكان رد فعلهم لايوصف.

النهاردة كنت في العيادة مع جدي_ربنا يشفيه ويعافيه_وللأسف العيادة كانت زحمة جدًا وكان فيه احتمال إننا نروح ونيجي كمان بعدها بيوم ولا اتنين لكن الحمد لله بعد محاولات قدرنا نحجز وناخد دور لكن طبعًا كان قدامنا وقت وناس كتير فقولت أكيد مش هضيع الوقت ده كله وسبحان الله العيادة كان فيها مكتبة جميلة جدًا وفيها كتب كتير فقولت أروح أبص عليها كده يمكن ألاقي كتاب يعجبني وببص لقيت قدامي كتاب رقائق القرآن للشيخ إبراهيم القرآن فك الله أسره قولت حلو أوي لإن أنا أصلًا كنت بدأت في الكتاب من شهر لا حاجة لكن مكملتش فيه بسبب بعض المشاغل فقولت بس أنا فضيتلك ومسكت الكتاب بقا وقعدت أقرأ فيه وبصراحة طبعًا الكتاب جميل جدًا وقضيت أغلب وقت الانتطار في القراءة لحد ما كشفنا وخلصنا الحمد لله أينعم أنا مخلصتش الكتاب للأسف مع إن كان نفسي أخلصه خصوصًا إنه صغير جدًا بس المهم إني مفرطتش في ساعات كانن هتضيع مني ايه الهدف من ده كله عاوز أقولك إن وقت الانتظار مبيتقضيش في التأمل في وشوش الناس ولا بيتضيع على الفيسبوك لأ وقت الانتظار ده ممكن تعمل فيه إنجازات والسلف كانوا بيهتموا بيه جدًا لدرجة إن بعضهم كان بيقرأ وهو ماشي في الطريق حتى سقط أحدهم في حفرة ومات وغيره خبطته دابة ومات وغيرهم كانوا بيفضلوا سف الكحك وهو مطحون عشان ينجز في وقت الأكل الخلاصة يا حبيب : عمرك صغير خسارة تضيع منه ثانية واحدة

#قرآن #quran

#quarn #قرآن